Японцы і амерыканцы зладзяць гонку на Месяцы

Дзве каманды з удзельнічаючых у конкурсе месяцаходаў Google Lunar X Prize абвясцілі аб жаданні аб'яднаць намаганні і адправіць свае апараты на Месяц.

Адразу пасля высадкі тры месяцаходы (амерыканскі і два японскія) пачнуць гонку на 500 метраў з трансляцыяй свайго перамяшчэння на Зямлю ў HD-відэа. Аб плане паведамляецца ў прэс-рэлізе кампаніі Astrobotic, піша Lenta.ru.

У снежні 2014 Astrobotic абвясціла аб тым, што збіраецца адправіць свой апарат (Andy) на борце ракеты Falcon 9 SpaceX. Паляціць ракета з мыса Канаверал у канцы 2016 году. У лютым 2015 японская фірма HAKUTO дамовілася з Astrobotic аб тым, каб узяць на борт і яе месяцаходы - Moonraker і Tetris.

Высадку плануецца зрабіць ля Возера Смерці, у раёне месяцовых пячор, якія ў будучыні могуць выкарыстоўвацца ў якасці асновы для жылых памяшканняў. Astrobiotic, які займаецца касмічнымі перавозкамі, гатовы перавезці на Месяц і іншыя апараты, якія ўдзельнічаюць у конкурсе (калі яны пагодзяцца кампенсаваць частку выдаткаў). Хоць дырэктар Astrobiotic назваў гонкі «NASCAR на Месяцы», сярэдняя хуткасць апаратаў не перавышае 800 метраў у гадзіну.

Google Lunar X PRIZE - прэмія, якую заснавалі фонд X Prize і кампанія Google. Прэмія будзе ўручаная камандзе, якая створыць месяцаход, што адпавядае зададзеным параметрам. Прызавы фонд складае 30 мільёнаў даляраў. Умовы конкурсу ўключаюць тры асноўных заданні: мяккую пасадку на месяцовую паверхню, перамяшчэнне па ёй (не менш за 500 метраў) і перадача на Зямлю малюнкаў і відэа высокай якасці. Цяпер на прызавы фонд прэтэндуюць японская (Hakuto), індыйская (Team Indus), нямецкая (Part-Time Scientists) і дзве амерыканскія каманды (Astrobotic і Moon Express).

Заяўку на ўдзел у Lunar X Prize падавала расейская каманда «Селенаход». У снежні 2013 яна, аднак, знялася са спаборніцтваў праз недахоп сродкаў. На пабудову «Селенахода» патрабаваўся мільён даляраў.