Над цэнтрам Парыжа зноў былі заўважаныя некалькі дронаў
4- 25.02.2015, 14:18
- 10,983
Паліцыя Францыі паведамляе, што над цэнтрам Парыжа ў ноч на сераду былі зноў заўважаныя беспілотнікі.
Відавочцы паведамілі як мінімум аб пяці дронах, якія лёталі над Парыжам мінулай ноччу. Такі ж лік беспілотнікаў быў заўважаны ў французскай сталіцы напярэдадні - з панядзелка на аўторак, паведамляе BBC.
У аўторак паліцыя Францыі распачала расследаванне ў сувязі са з'яўленнем над Парыжам дронаў, аператараў якіх усталяваць не ўдалося.
Беспілотнікі лёталі ў асноўным у раёне галоўных славутасцяў Парыжа - над Эйфелевай вежай, у раёне плошчы Згоды, яшчэ адзін робат быў заўважаны над будынкам амбасады ЗША.
Нягледзячы на тое, што дроны можна свабодна купіць, нядаўнія палёты беспілотнікаў над Елісейскім палацам і домам прэзідэнта Францыі Франсуа Аланда, а таксама над атамнай электрастанцый выклікалі неспакой паліцыі.
Фота: Reuters