Японскі гатэль прапаноўвае пераночыць з Гадзілам
- 25.02.2015, 15:34
- 4,269
Японскі гатэль Gracery прапануе пераночыць з Гадзілам у новым тэматычным нумары.
Пра гэта паведамляе «Газета.Ru» са спасылкай на Agence France-Presse. Скарыстацца паслугай можна будзе ў найбліжэйшай будучыні.
Гатэль размешчаны ў Сіндзюку. Пастаяльцы ўбачаць у Godzilla Room статую знакамітага мутанта, які наступае на мініяцюрную копію Токіё. Фігура Гадзілы выкананая ў чалавечы рост. Акрамя таго, над ложкамі ўсталяваная велізарная лапа гэтага папулярнага персанажа. Кошт пражывання ў тэматычным нумары складае 39,8 тысяч ен ($335) у суткі.
Пастаяльцаў таксама запрашаюць у нумар Godzilla Viewing, дзе ў адмысловым акне можна будзе разглядзець 12-метровую галаву Гадзілы.