Аляксандр Няўзораў: Расея ў перадрэвалюцыйнай сітуацыі

Расея гарантавана зменіцца, бо кнопка самаліквідацыі ўсё адно націснутая.

Пра гэта ў эфіры "Эхо Москвы" заявіў расейскі публіцыст Аляксандр Няўзораў.

"Усё б гэта было вельмі прыгожа, міла і рамантычна, тое, што адбываецца, за выняткам таго, што для таго ўтварэння дзяржаўнага, у якое пільна ператвараецца Расея, няма месца ў гэтым свеце", - дадаў ён.

На думку Няўзорава, пабудаваць імпэрыю Расеі не дадуць.

"Рана ці позна ўстане жудаснае пытанне аб тым, хто: свет ці Расея. І гэта будзе развязвацца нейкім, я падазраю, дастаткова жорсткім спосабам. Але я не магу сказаць, я неяк без злараднасці і без радасці стаўлюся да таго, што кнопка самаліквідацыі, механізм пускавы ўжо зрушаны", - распавёў публіцыст.

Няўзораў адзначыў, што за падзеямі ў Расеі вельмі цікава назіраць, бо краіна знаходзіцца ў перадрэвалюцыйнай стане.

"Рэвалюцыя яшчэ ў нейкіх квантах, яна ўсюды і нідзе. Яна ва ўсім і ні ў чым. Добра, калі рэвалюцыянеры гэта зразумелая відочная структура, вось яны тут пералічылі трацілавыя шашкі, праспявалі Інтэрнацыянал, потым зноў пачалі лічыць шашкі, тады іх можна абясшкодзіць групай ФСБ за 15 хвілін. Але калі гэтая рэвалюцыя ва ўсім і ні ў чым, калі яна цалкам пільнуецца пакуль прынцыпу няпэўнасці Гайзэнбэрга (прынцып няпэўнасці, адкрыты Вэрнэрам Гайзэнбэргам у 1927 годзе і з'яўляецца адным з падмуркаў фізічнай квантавай механікі), і вядзе нейкае загадкавае існаванне, пры гэтым яна звышрэальная, то гэты працэс, вядома, хацелася б затрымаць, каб яго праглядаць грунтоўна. Але я баюся, што логіка развіцця шмат якіх рэчаў гэтага проста не дазволіць", - дадаў ён.

Расейцы не могуць згадзіцца з фактам, што Украіна мае права на самавызначэнне, і ад гэтага ўсе беды Украіны, заявіў Аляксандр Няўзораў раней.

Права на сваю мову, самавызначэнне, уласных герояў больш за ўсё раздражняе замбаваную тэлевізарам большасць, упэўнены публіцыст.