Навукоўцы распавялі пра карысць штодзённага сняданку
1- 27.02.2015, 11:05
- 13,329
Спецыялісты правялі даследаванні, накіраваныя на высвятленне ролі ранішняга прыёму ежы ў метабалізме арганізма.
Больш падрабязна з высновамі навукоўцаў можна азнаёміцца ў часопісе Тhe European Journal of Clinical Nutrition.
У даследаванні бралі ўдзел 35 жанчын, якія пакутуюць ад лішняй вагі, частка з якіх снедала штодня, а частка - не снедала наогул. Падчас эксперыменту жанчыны з'ядалі ўранку сняданак, багаты бялкамі, а затым навукоўцы цягам ўсяго дня вымяралі ўзровень глюкозы ў іх крыві. Вынікі работы паказалі, што ўзровень глюкозы быў у норме ў тых удзельніц доследу, хто рэгулярна еў уранку. У жанчын, якія аддавалі перавагу прапускаць ранішні прыём ежы, узровень глюкозы быў істотна павышаны, піша gazeta.ru.
Навукоўцы заяўляюць, што даследаванне адназначна даказвае карысць рэгулярных сняданкаў. Ранішні прыём ежы зніжае ўзровень цукру ў крыві ў адказ на багатую бялкамі ежу, а значыць, перашкаджае развіццю дыябету другога тыпу. Спецыялісты раяць абмяжоўваць харчовую каштоўнасць сняданку 350 калорыямі.