Папа Рымскі і Сноўдэн намінаваныя на Нобеля
1- 3.02.2015, 12:07
- 5,823
Лаўрэат прэміі, сума якой складае $1,2 мільёна, будзе абвешчаны ў кастрычніку.
У спіс намінантаў на Нобелеўскую прэмію міру увайшоў Папа Рымскі Францыск і былы амерыканскі выведнік Эдвард Сноўдэн.
У спісе намінантаў таксама расейская "Новая газета", якая крытыкуе прэзідэнта Расеі Уладзіміра Пуціна, піша zn.ua.
Намінаваць кандыдатаў у прызёры могуць тысячы людзей, уключаючы парламентарыяў, і ўсе заяўкі павінны быць адпраўлены не пазней 1 лютага. Лаўрэат прэміі, сума якой складае $1,2 мільёна, будзе абвешчаны ў кастрычніку.
Нарвежскі Нобелеўскі інстытут не выдае імёны намінантаў, але эксперты з Нарвегіі складаюць спісы.
Папа Рымскі быў вылучаны на атрыманне за намаганні ў барацьбе за сацыяльную справядлівасць і абарону навакольнага асяроддзя.
Былы службовец амерыканскай выведкі Эдвард Сноўдэн, які разгалосіў дэталі электроннага сачэння ЗША, стаў намінантам за тое, што паказаў, як мала ў грамадзян спосабаў дэмакратычнага кантролю за сачэннем з боку спецслужбаў.