У Расеі пілотаў транспартных Іл-76 навучылі скідаць бомбы
9- 3.02.2015, 12:37
- 12,709
Расейскім лётчыкам паводле вынікаў вучэння ў Цверы дазволілі выкарыстоўваць транспартныя Іл-76 у ролі бамбавікоў.
У агульнай складанасці яны скінулі тры дзесяткі авіябомбаў масай да паўтонны, паведамляе ТАСС са спасылкай на афіцыйнага прадстаўніка ВПС Расеі палкоўніка Ігара Клімава.
У манеўрах удзельнічалі больш за дзесятак экіпажаў з частак, размешчаных у Цверы, Арэнбурзе, Пскове і Таганрозе.
"Кожны другі экіпаж, які ўдзельнічае ў зборах, упершыню атрымаў допуск да ўжывання авіябомбаў", - адзначыў Клімаў.
З яго слоў, лётчыкі правялі ў небе больш за 100 гадзін. Як распавёў палкоўнік, ім даводзілася дзейнічаць ва ўмовах, максімальна набліжаных да баявых - днём і ноччу, у складаных умовах надвор'я, з грунтавых узлётна-пасадачных палос і гэтак далей.
Экіпажы выкарыстоўвалі не толькі баявыя бомбы, але і асвятляльныя, а таксама радыёмаякі. Акрамя таго, яны самастойна шукалі пляцоўкі для высадкі спецпадраздзяленняў у тыле ўмоўнага праціўніка.