Пуцін падпісаў указ аб прызыве рэзервістаў на зборы
56- 5.02.2015, 15:12
- 65,193
Пуцін падпісаў указ аб прызыве рэзервістаў на вайсковыя зборы ў 2015 годзе.
Прэзідэнт Расеі Уладзімір Пуцін падпісаў указ аб пакліканні грамадзян, якія знаходзяцца ў рэзерве, на праходжанне вайсковых збораў у 2015 годзе.
Тэкст дакумента, датаваны 5 лютым, апублікаваны на інфармацыйным партале «Гарант.ru».
«Заклікаць у 2015 годзе грамадзян Расейскай Федэрацыі, якія знаходзяцца ў запасе, для праходжання вайсковых збораў да двух месяцаў ва Узброеных Сілах Расейскай Федэрацыі, ва ўнутраных войсках Міністэрства ўнутраных спраў Расейскай Федэрацыі, у органах дзяржаўнай аховы, органах федэральнай службы бяспекі», - гаворыцца ў дакуменце, паведамляе «Газета.Ру».
Раней вайсковыя зборы прайшлі на тэрыторыі Расеі са жніўня да кастрычніка 2014 года. Падрыхтоўка праходзіла ў вайсковых частках і падраздзяленнях. На вучэнні былі скліканыя спецыялісты войскаў сувязі, ракетных войскаў і артылерыі, мотастралковых, берагавых войскаў ВМФ, пантонна-маставых, чыгуначных і інжынерных падраздзяленняў, а таксама падраздзяленняў матэрыяльна-тэхнічнага забеспячэння.