Гжэгаж Схетына: Мірныя перамовы аб Данбасе зайшлі ў тупік

Працэс мірных перамоў аб урэгуляванні сітуацыі ў Данбасе зайшоў у безвыходнасць.

Пра гэта заявіў кіраўнік МЗС Польшчы Гжэгаж Схетына падчас супольнага брыфінгу з нямецкім калегам Франкам-Вальтэрам Штайнмаерам у Варшаве, паведамляе segodnya.ua са спасылкай на "Польскае радыё".

"Працэс мірных перамоваў зайшоў у безвыходнасць і ўсе мы гэта бачым, але кожную новую ініцыятыву з мэтай развязання гэтай складанай праблемы мы прымаем адкрыта і будзем падтрымліваць яе", - сказаў Схетына.

"Мы хочам эфектыўнай палітыкі, эфектыўнай дыпламатыі, хочам супольна развязаць гэты канфлікт. Супольная праца, сур'ёзнае стаўленне, захаванне агульнай еўрапейскай пазіцыі, захаванне еўрапейскай салідарнасці, а з другога боку прыняцця эфектыўных пастаноў - гэта тое, што сёння для нас самае важнае", - адзначыў ён.

Франк-Вальтэр Штайнмаер, у сваю чаргу, падкрэсліў, што, нягледзячы на розны падыход, краінам Еўразвязу ўвесь час удавалася прымаць агульную пазіцыю што да падзей на ўсходзе Украіны.

"Мы спрабавалі рознымі дыпламатычнымі метадамі прыйсці да дээскалацыі канфлікту, але праўда такая, што ў гэтым працэсе мы павінны падкрэсліць горкі рэгрэс", - сказаў кіраўнік нямецкай дыпламатыі, кажучы пра нядаўні абстрэле Марыупаля і лякарні ў Данецку.

Сітуацыю ён ацэньвае як вяртанне "да вострага канфлікту". "Зноў гінуць людзі, зноў мірныя жыхары сталі ахвярамі спробаў сепаратыстаў пашырыць свой уплыў", - сказаў ён. Дадаў, відавочна, што яны атрымліваюць падтрымку з боку Расеі.

Як вядома, цяперашні ў Кіеве знаходзіцца дзяржсакратар ЗША, які абмяркоўвае сітуацыю на ўсходзе Украіны з кіраўніцтвам краіны. Прыбыццё прэзідэнта Францыі і канцлеркі Нямеччыны ў Кіеў чакаецца ў чацвер прыблізна а 17:00. Заўтра лідары Францыі і Нямеччыны наведаюць Маскву.

Фота: AG