Знішчальнікі NATO перахапілі расейскі вайсковы самалёт
13- 6.02.2015, 21:43
- 18,702
Місія паветранай паліцыі NATO ў пятніцу ўзнялася на перахоп расейскага вайсковага самалёта над Балтыйскім морам.
Як паведамляе Еўрапейская Праўда, пра гэта заявілі Нацыянальныя ўзброеныя сілы Латвіі ў Twitter. "Знішчальнікі Typhoon паветранай паліцыі NATO 6 лютага ўзняліся на перахоп над Балтыйскім морам самалёта Іл-38, які належыць расейскім узброеным сілам", - гаворыцца ў паведамленні.
NATO Baltic Air Policing QRA ITA Typhoon jets on 6 FEB scrambled to intercept RU Armed Forces Il-38 over the Baltic Sea.
— NBS (@Latvijas_armija) luty 6, 2015Нагадаем, гэта ўжо другі інцыдэнт з расейскім вайсковым транспартам за дзень.
Так, узброеныя сілы Латвіі 6 лютага ў выключнай эканамічнай зоне Латвіі на адлегласці 10 марскіх міль ад тэрытарыяльных вод краіны зафіксавалі вайсковы карабель РФ класа Finik, а таксама падводную лодку.
Міністр абароны Латвіі Райманд Вэёніс адзначыў, што на працягу мінулага года расейскія вайсковыя самалёты перахаплялі больш за 200 разоў, што ў чатыры разы больш, чым у звычайныя гады.
