Расея прапануе Беларусі сумесны маніторынг прадукцыі на мяжы

Кіраўнік Рассельгаснагляду Сяргей Данкверт накіраваў зварот міністру сельскай гаспадаркі і харчавання Беларусі Леаніду Зайцу.

Пра гэта паведамляе прэс-служба ўстановы.

У сваім лісце Сяргей Данкверт зноў прапанаваў арганізаваць на беларускім участку замежнай мяжы Мытнага звязу сумесны маніторынг прадукцыі, што паступае, у прыватнасці, расліннага паходжання, на бяспеку ў адпаведнасці з патрабаваннямі заканадаўства Мытнага саюза.

Сяргей Данкверт падкрэсліў, што такі маніторынг будзе спрыяць разуменню сітуацыі, якая склалася. Супрацоўніцтва ўстановаў дасць магчымасць вызначыць наменклатуру, аб'ёмы, лагістыку паставак, што дазволіць выявіць схемы незаконных паставак у абыход эканамічных захадаў, уведзеных Расеяй.

На думку кіраўніка Рассельгаснагляду, сумесны маніторынг таксама дапаможа «выпрацоўцы адзіных падыходаў ва ўстанаўленні сапраўднасці сертыфікатаў, што суправаджаюць камерцыйную партыю прадукцыі».