Пратэсты ў Рыме: дэманстранты патрабуюць адстаўкі прэм'ера
1- 1.03.2015, 10:06
- 4,644
У цэнтры італьянскай сталіцы ў суботу прайшла масавая антыўрадавая маніфестацыя.
Яе ўдзельнікі патрабавалі адстаўкі прэм'ер-міністра Матэа Рэнцы, паведамляе ТАСС.
Маштабная акцыя пратэсту пад лозунгам "Рэнцы, сыходзь" арганізаваная адной з галоўных апазіцыйных партый "Ліга Поўначы" на чале з Матэа Сальвіні. Бяспеку на дэманстрацыі забяспечваюць чатыры тысячы супрацоўнікаў праваахоўных органаў, у тым ліку ў цывільным.
З самага ранку ў Рыме сталі збірацца прыхільнікі "Ліга Поўначы", прычым не толькі з паўночных абласцей краіны, дзе традыцыйна карыстаецца папулярнасцю гэтая партыя, але і з паўднёвых рэгіёнаў.
Да іх далучаюцца і тыя, хто проста незадаволены дзейнасцю ўрада Рэнцы. Акрамя таго, пад лозунгамі апазіцыі аб'ядналіся прадстаўнікі розных асацыяцый і таварыстваў.
Акцыю Сальвіні падтрымала партыя "Браты Італіі", у свой час якая вылучылася з "Наперад, Італія" экс-прэм'ера Сільвіё Бэрлюсконі.
Адначасова ў іншым раёне Рыма, дзе традыцыйна селяцца імігранты, праходзіць менш шматлікая акцыя, удзельнікі якой выступаюць супраць дзейнасці Сальвіні і "Лігі Поўначы".