ФІФА адмовілася ад уводу відэапаўтораў

Міжнародная федэрацыя футбола не мае намеру пакуль нават у выглядзе эксперыменту спрабаваць увядзенне відэапаўтораў у матчах.

Пра гэта заявіў генеральны сакратар арганізацыі Жэром Валькэ, піша The Guardian.

Нягледзячы на тое, што футбольныя асацыяцыі Англіі і Шатландыі, а таксама шэраг экспертаў прапаноўвалі ў выглядзе эксперыменту дазволіць суддзям праглядаць паўторы спрэчных эпізодаў, чыноўнік паведаміў, што ФІФА адмаўляецца ад гэтай ідэі. "Такая пастанова стала б занадта рэзкім змяненнем у правілах футбола", - заявіў Валькэ.

У ФІФА таксама мяркуюць, што відэапаўторы парушаць дынаміку гульні, а таксама могуць негатыўна паўплываць на аўтарытэт арбітраў.

Нагадаем, нядаўна Міжнародная федэрацыя футбола абвясціла імёны кандыдатаў на пасаду кіраўніка, выбары якога адбудуцца 29 траўня 2015 года. За пасаду кіраўніка арганізацыі будуць змагацца чатыры прэтэндэнты.