Пачалася рэгістрацыя даменаў у зоне .бел
3- 1.03.2015, 11:32
- 10,071
У Беларусі з сакавіка стартуе рэгістрацыя даменаў у зоне .бел.
Адпаведная інфармацыя размешчаная на сайце дамен.бел, на якім змяшчаецца інфармацыя аб рэгістрацыі даменаў у беларускай кірылічнай зоне, паведамляе БелТА.
Працэс рэгістрацыі сайтаў будзе праходзіць паэтапна. Першым стартуе прыём заявак на прыярытэтную рэгістрацыю ад уладальнікаў гандлёвых марак і фірменных найменняў юрыдычных асоб. Этап будзе доўжыцца тры месяцы і пачнецца ўжо ў пачатку вясны. Пасля гэтага будзе праведзеная серыя дабрачынных аўкцыёнаў прэміум-даменаў .бел. Этап таксама будзе доўжыцца тры месяцы. Усе атрыманыя сродкі будуць накіраваныя ў дзіцячыя дамы пад канкрэтныя праекты.
Найбліжэйшымі днямі будуць апублікаваныя дакладныя даты правядзення этапаў, кошт даменаў .бел на этапах прыярытэтнай рэгістрацыі, парадак падачы заявак для ўладальнікаў гандлёвых марак і фірмовых юрыдычных асоб.