Футбольны матч у Смалявічах скончыўся бойкай гульцоў

Матч паміж клубамі «Іслач» і «Смалявічы-СТІ» быў перапынены праз бойку.

Гульня праходзіла ў суботу, 28 лютага. Яна была перапыненая ў першым тайме праз бойку на полі, у якой удзельнічалі футбалісты абедзвюх каманд, паведамляе football.by.

Галоўны трэнер «Іслачы» Віталь Жукоўскі абвінаваціў гульцоў клуба «Смалявічы-СТІ» у тым, што яны пачалі абражаць спаборніка.

«З першых хвілін спаборнік выйшаў на поле і на кожны фол выказваў сваё незадавальненне суддзі і спаборніку ў красамоўнай форме. І доўжылася гэта цягам усяго тайма. Пасля дробнага фолу гулец «Смалявічаў» зноў выказаў сваё незадавальненне ў абразлівай форме. Пасля чаго пачалася бойка», - сказаў ён.

Паўабаронца «Смалявічы-СТІ» Ягор Сямёнаў не згодны з трэнерам «Іслачы».

"Іслач" гуляе брыдка. Напакутваліся з ёй яшчэ ў другім крузе мінулага чэмпіянату. А цяпер яны выйшлі на поле без размінкі і адразу пачалі біць. Перад намі стаяць іншыя задачы. Імкнемся паставіць гульню перад сезонам. Нам такія спарынгі не патрэбныя. Вядома, у маёй кар'еры былі выпадкі, калі штурхаліся з спаборнікамі, размаўлялі на ўздыме, а сёння адбылося тое, што я нават не ведаю як назваць. Я знаёмы з многімі хлопцамі з «Іслачы», але не чакаў, што яны пачнуць біцца, а не гуляць у футбол», - сказаў ён.