Амерыканец употай 365 раз прапанаваў сваёй дзяўчыне руку і сэрца

Дзін Сміт з горада Скотсдэйл кожны дзень цягам года прапаноўваў сваёй дзяўчыне Джэніфэр выйсці за яго замуж.

Рабіў ён гэта ўпотай ад яе самой. Пакуль Джэніфэр не бачыла яго, ён здымаў сябе на камеру з шыльдачкай у руках: на ёй было напісанае прызнанне ў каханні і дата. Здымкі праходзілі ў розных сітуацыях - у аўтамабілі, у душы, за сняданкам, падчас працы, чытання і гэтак далей, піша «Медуза».

Сміт зняў першае відэа 8 студзеня 2014, у дзень нараджэння дзяўчыны. Роўна праз год, калі пара разам са сваякамі адпачывала на выспе Аруба ў Карыбскім моры, Джэніфэр паказалі відэа з усімі 365 прапановамі. Калі ролік скончыўся, Сміт ужо афіцыйна прапанаваў дзяўчыне руку і сэрца.