З Беларусі экстрадуюць расейскага бізнэсоўца

Бізнесовец спрабаваў схавацца ў нашай краіне пасля ДТЗ са смяротным зыходам у расейскім Вялікім Ноўгарадзе.

«М. Фёдараў затрыманы ў Беларусі. Цяпер развязваюцца пытанні, звязаныя з экстрадыцыяй яго на радзіму», - паведаміў у сераду «Інтэрфаксу» прадстаўнік Наўгародскага рэгіянальнага УМВД.

ДТЗ адбылося на вуліцы Вялікай Маскоўскай у Вялікім Ноўгарадзе ўвечары 4 сакавіка. Кіроўца аўтамабіля «Мерседэс-Бенц», выехаў на сустрэчную паласу і ўрэзаўся ў «Хёндай Салярыс». Гэтым аўтамабілем кіравала 23-гадовая жыхарка горада, якая памерла ў бальніцы. Вінаваты ў аварыі ўцёк.

М. Федараў з'яўляецца генеральным дырэктарам ЗАТ «Сплаў-мадэрнізацыя». Кампанія займаецца вытворчасцю трубаправоднай арматуры для нафтавай, газавай і хімічнай галін.