Вітаўтас Ландсбэргіс: Палітыка Пуціна можа прывесці да новай вайны ў Еўропе
3- 11.03.2015, 10:27
- 6,801
Дэмакратычны свет дагэтуль не ўсвядоміў зменаў, якія адбыліся за 15 гадоў прэзідэнцтва Уладзіміра Пуціна.
Пра гэта заявіў адзін з лідараў літоўскага руху за незалежнасць ад СССР Вітаўтас Ландсбэргіс, паведамляе BBC.
На думку былога старшыні Сейма Літвы палітыка прэзідэнта Расеі можа прывесці да новай вайны ў Еўропе. Ён таксама падкрэсліў адрозненне паміж сучасным становішчам рэчаў і Расеяй пры прэзідэнцтве Барыса Ельцына.
«Гэтая эра была ўнікальнай. Расея не хацела быць агрэсіўнай імперыяй... Ён ставіўся да нашай свабоды з павагай», - сказаў Вітаўтас Ландсбэргіс у інтэрв'ю агенцтву Франс-прэс.
На ягоную думку, дэмакратычны свет дагэтуль не ўсвядоміў зменаў, якія адбыліся за 15 гадоў прэзідэнцтва Уладзіміра Пуціна. «З 2000 года гісторыя павінна прызнаваць новы перыяд пад назвай «пуцінскія войны, - сказаў былы кіраўнік літоўскага Сейма. - І гэта толькі пачатак».