Навальнаму хочуць замяніць умоўнае пакаранне на рэальны тэрмін
2- 13.03.2015, 20:28
- 6,827
Паводле справы "Кіраўлеса" Навальны прысуджаны да пяці гадоў пазбаўлення волі ўмоўна.
Федэральная служба выканання пакаранняў (ФСВП) РФ звярнулася ў Люблінскі суд Масквы з заявай аб змене ўмоўнага пакарання Аляксею Навальнаму на рэальнае паводле справы "Кіраўлеса". Пра гэта заявіў адвакат Навальнага Вадзім Кобзеў, паведамляе ТАСС.
"Мне пацвердзілі ў ФСВП, што яны просяць змяніць Навальнаму ўмоўнае пакаранне на рэальны тэрмін", - сказаў Кобзеў.
Паводле інфармацыі, раней адвакатка Вольга Міхайлава паведаміла аб тым, што абароне не паведамлена аб просьбе ФСВП. "Абароне вядома аб просьбе ФСВП змяніць Навальнаму пакаранне з умоўнага на рэальнае з прэсы. Гэта ўжо не першая спроба ФСВП, яны маюць права звяртацца ў суд, ну, а пастанова будзе менавіта за судом", - сказала Міхайлава.
У Люблінскім судзе Масквы паведамілі, што з ФСВП паступіў нейкі матэрыял у дачыненні да Навальнага, змест якога пакуль у судзе не ведаюць. "У Люблінскі суд з ФСВП паступіў матэрыял у дачыненні да Аляксея Навальнага, змест яго пакуль не вядомы", - распавялі ў судзе.
Нагадаем, умоўнае пакаранне расейскага апазіцыянера паводле справы "Кіраўлеса" заканчваецца ў ліпені 2018 года, а выпрабавальны тэрмін - у 2020 годзе. Акрамя таго, з Навальнага спагналі штраф паўмільёна рублёў.