Марсаход Curiosity аднавіў працу

Марсаход Curiosity аднавіў сваю працу пасля непаладак, звязаных з кароткім замыканнем у яго рабатызаванай руцэ.

Аб гэтым паведамляецца на сайце NASA, GBIF Lenta.ru.

Непаладкі былі выяўленыя 27 лютага 2015 года, калі рука марсахода спрабавала транспартаваць узоры парод пасля бурэння. Інжынеры NASA ліквідавалі гэтую няспраўнасць, і робат 11 сакавіка выканаў сваю задачу.

Спецыялісты агенцтва працягваюць аналіз прычын няспраўнасці і збіраюцца распрацаваць інструкцыі, якія прапісваюць алгарытм дзеянняў у выпадку ўзнікнення такіх сітуацый у будучых місіях.

Марсіянскі ровэр NASA Curiosity запушчаны да Чырвонай планеты 26 лістапада 2011 пры дапамозе ракеты-носьбіта Atlas V 541 з касмадрома на мысе Канаверал у Фларыдзе. Яго пасадка на планету адбылася 6 жніўня 2012 года ў раёне кратэра Гейла.

Гэта трэці марсаход, запушчаны NASA ў рамках праграмы Mars Science Laboratory. З больш як 40 зондаў, якія ляцелі да Марса, менш чым палове атрымалася паспяхова закончыць свае місіі. Цяпер на паверхні Марса функцыянуюць два ровэры: Curiosity і Opportunity.