Жыхар Нью-Ёрка вярнуў Тому Гэнксу згубленую крэдытную карту
12- 14.03.2015, 12:34
- 12,659
Амерыканскі актор Том Гэнкс згубіў у Нью-Ёрку сваю крэдытную карту. Аднак жыхар горада знайшоў яе на вуліцы і вярнуў уладальніку.
Пра гэта Том Гэнкс распавёў у Twitter.
"Хлопец на імя Тоні знайшоў маю крэдытную карту на вуліцы ў Нью-Ёрку і вярнуў яе! Ты робіш гэты горад яшчэ больш вялікім! Дзякуй", - напісаў Гэнкс.
Том Гэнкс вядомы ролямі ў такіх фільмах, як "Зялёная міля", "Выратаваць радавога Раяна", "Апалон 13", "Код да Вінчы". Дзве прэміі "Оскар" ён атрымаў за галоўныя ролі ў фільмах "Форэст Гамп" і "Філадэльфія".