Украінскія лекары сустрэліся з лётчыцай Саўчанкай у СІЗА
6- 14.03.2015, 13:55
- 16,341
Расея дапусціла да Саўчанкі ўкраінскіх лекараў.
Інфармацыю пра візіт медыкаў да арыштаванай лётчыцы Надзеі Саўчанкі пацвердзіў у сваім акаўнце ў сетцы мікраблогаў "Твітэр" кіраўнік МЗС Украіны Павел Клімкін.
"Дзякуючы сумесным намаганням, пачынаючы ад прэзідэнта Пятра Парашэнкі, - да нашага консула ў Маскве, украінскія лекары - ужо з Надзеяй", - напісаў кіраўнік украінскага замежнапалітычнага ведамства.
Завдяки спільним зусиллям, від @poroshenko до нашого консула в Москві, українські лікарі вже з Надією. #FreeSavchenko
— Pavlo Klimkin (@PavloKlimkin) 14 Март 2015Нагадаем, раней прэзідэнт Украіны паведаміў, што накіроўваў ліст Уладзіміру Пуціну з просьбай неадкладна вызваліць украінскую лётчыцу Саўчанку, якая незаконна ўтрымліваецца ў маскоўскім СІЗА. У знак пратэсту супраць свайго незаконнага затрымання Саўчанка праводзіць галадоўку.
Пазней прэс-сакратар кіраўніка расейскай дзяржавы Дзмітрый Пяскоў паведаміў, што адказ прэзідэнта Расеі Уладзіміра Пуціна на ліст прэзідэнта Украіны Пятра Парашэнкі з нагоды ўтрымання ў СІЗА РФ лётчыцы Надзеі Саўчанкі накіраваны ў Кіеў.
