«Нефрытавы заяц» адкрыў адну з таямніц Месяца

Кітайскі месяцаход «Нефрытавы» заяц накіраваў на Зямлю інфармацыю, на падставе якой навукоўцы зрабілі выснову аб пластавай будове Месяца.

Пра гэта паведамляе тэлеканал NBС, піша «Новое время».

Паводле атрыманых месяцаходам звестак, нябеснае цела складаецца мінімум з дзевяці каменных пластоў. Раней астраномы не высоўвалі такіх здагадак аб вулканічнай актыўнасці сатэліта Зямлі. Тэрыторыя, на якой знаходзіцца апарат, выяўляў геалагічную актыўнасць апошнія 3,3 мільярда гадоў.

Са слоў Луна Сяа, супрацоўніка Уханьскага ўніверсітэта геафізічных даследаванняў, пласты Месяца ўтварыліся праз вулканічную лаву і глебу, якая доўгі час падпадала пад эрозію.

Месяцаход «Нефрытавы заяц» (Yutu) сеў на Месяц 14 снежня 2013 года. Гэта стала першым паспяховым праектам накіравання беспілотнага апарата на паверхню Месяца пасля савецкай місіі «Месяц 24» 1976 года.

Раней астраномы наважылі глыбока прасвідраваць Месяц для праверкі вэрсіі касмічнай аварыі Зямлі.