Журналіст Polsat затрыманы ў Сімферопалі

Тамаш Кулакоўскі затрыманы 14 сакавіка «крымскай самаабаронай» у Сімферопалі.

Пра гэта сайту charter97.org паведамілі ў Крымскай палявой місіі правоў чалавека са спасылкай на звесткі консульства Польшчы ў Адэсе.

Тамаш Кулакоўскі напісаў пра затрыманні на сваёй старонцы ў сацыяльнай сетцы «Фэйсбук».

Пасля гэтага сувязь з ім знікла.

Нагадаем, раніцай у пятніцу ў Сімферопалі, у кватэры на месцы рэгістрацыі рэдактаркі «Цэнтра журналісцкіх расследаванняў» Наталлі Какорынай супрацоўнікі ФСБ праводзілі ператрус. Пасля гэтага журналістка была затрыманая і дапытаная.

Акрамя таго, учора ранкам ФСБ правяла ператрус у крымскай кватэры бацькоў аўтаркі артыкулаў і былой рэдактаркі «Цэнтра журналісцкіх расследаванняў» Ганны Андрыеўскай. Падставай для распачынання справы, як піша журналістка, з'яўляецца ейны матэрыял аб валанцёрах батальёна «Крым».