Берасцейскі казачнік трапіў у шорт-ліст міжнароднага конкурсу

Казка дзіцячага пісьменніка з Беларусі Міхаіла Туруноўскага «Чароўная палітра» трапіла ў шорт-ліст Міжнароднага конкурсу «Казка сёння».

Пра гэта піша «Вечерний Брест».

Падзея тым больш прыкметная, што даслоўна некалькі дзён таму Міхаіл Туруноўскі даведаўся пра высокую ацэнку, якую журы іншага літаратурнага конкурсу дало ягонаму апавяданню «Маркоўная салата».

Заснавальнікам конкурсу «Казка сёння» выступае пісьменнік Генрых Дзік, а ў арганізацыйных мерапрыемствах удзельнічаюць літаратурнае таварыства расейскіх немцаў і таварыства «Форум расейская культура». У конкурсе ўзялі ўдзел больш за 800 аўтараў з розных куткоў планеты. Большасць з іх - больш за 600 пісьменнікаў - было з Расеі.