Бой за прадмесце Марыупаля: ваеўнікі выкарыстоўваюць «адведзеныя» мінамёты

У баях за Марыупальскае прадмесце Шырокіна расейскія найміты працягваюць выкарыстанне цяжкага ўзбраення калібрам больш за 100 мм.

Яго выкарыстанне забароненае ўкладзенымі ў Менску мірнымі пагадненнямі. 13 сакавіка сілы АТА адбілі ў гэтым паселішчы тры масаваныя атакі ваеўнікоў і прафесійных расейскіх вайскоўцаў, паведамляе 14 сакавіка 2015 года прэс-служба палка спецыяльнага прызначэння МУС Украіны "Азоў" у сетцы "Укантакце".

"За мінулы дзень "азоўцы" прынялі тры баі ў паселішчы Шырокіна. Першы доўжыўся прыкладна з 8 гадзін раніцы да 10 гадзін. Тэрарысты стралялі з мінамётаў і нанеслі беспаспяховыя ўдары з СТКР па нашым танку.

Другі бой пачаўся пад 15 гадзін і працягваўся блізу гадзіны. З 16.20 і да 20 гадзін тэрарысты вялі масаваны абстрэл нашых пазіцый з 120-мм мінамёта і стралковай зброі", - сказана ў паведамленні.

Параненыя двое "азоўцаў". Баец з мянушкай "Ясенін" паранены ў руку з РПК, вайскоўцу "Беламу" аскепкамі пасекла нагу. "Ва ўсіх выпадках нашы хлопцы давалі адказ супраціўніку і не пакідалі правакацыі беспакаранымі. Усе нашы пазіцыі пад поўным кантролем", - канкрэтызуюць вайскоўцы.

Зафіксаванае 13 сакавіка выкарыстанне тэрарыстамі 120-міліметровых мінамётаў пацвердзіў прэс-цэнтр АТА.

Аналагічная сітуацыя таксама назіралася 12 сакавіка.