Парадыйны ролік пра новы MacBook б'е рэкорды YouTube
2- 14.03.2015, 19:50
- 28,709
Праз два дні пасля прэзентацыі новага Apple MacBook на YouTube з'явіўся парадыйны ролік.
У ім інтэрнэт-мэм Рагатун распавядае, як ён выконваў абавязкі інжынера ў камандзе. За няпоўныя два дні, якія прайшлі з моманту публікацыі, відэа набрала два мільёны праглядаў, піша Lenta.ru.
У апублікаваным роліку аўтары субтытраў пасмяяліся з адсутнасці звыклых партоў у новым MacBook 2015 года і над некаторымі іншымі асаблівасцямі навінкі, і за адным скрыпам паказалі, як з іх пункту гледжання ў штаб-кватэры Apple працуюць над новымі прадуктамі.
Арыгінальны відэазапіс з расповедам паджылага гішпанца пра тое, як ён пачаў працаваць у прыбярэжнай рэстарацыі, быў зроблены ў пачатку 2000-х. У ім Хуан Хоя Борха (Juan Joya Borja) на мянушку Рагатун (El Risitas) распавёў пра кур'ёзны выпадак, які адбыўся з ім у адзін з першых працоўных дзён. Хтосьці з калег параіў мужчыну не мыць патэльні, а пакінуць на беразе мора, каб пясок ачысціў іх. Хуан прыслухаўся да парады і на раніцу недалічыўся амаль дваццаці патэльняў. Уладальнік рэстарацыі адправіў яго па новыя патэльні, пасля чаго Хуана ў рэстаране больш ніхто не бачыў.
Ролік з'явіўся на YouTube у 2007 годзе, і толькі праз сем гадоў гэты фрагмент інтэрв'ю з Рагатуном сталі выкарыстоўваць для таго, каб высмеяць каго-небудзь. У пачатку 2015 года Рагатун упершыню з'явіўся ў рунэце, пасля чаго ўжо паспеў «пабываць» футбалістам, праектным мэнэджэрам, распрацоўнікам гульні GTA V, рэліз якой для персанальных кампутараў адкладаўся некалькі разоў. Колькасць «прафесій» Рагатуна ў англамоўным сегменце інтэрнэту праз года пасля з'яўлення мэма падлічыць складана.