Венесуэла і Расея праводзяць сумесныя вайсковыя вучэнні

З Расеі ў Венесуэлу прыбыў экіпаж вайсковай тэхнікі для ўдзелу ў сумесных манеўрах.

Пра гэта паведаміў у суботу, 14 сакавіка, міністр абароны Венесуэлы Уладзімір Падрына Лопес, паведамляе РІА «Новости».

З ягоных слоў, на тэрыторыі краіны таксама пройдуць вучэнні сіл супрацьпаветранай абароны (СПА), абсталяваных расейскімі сістэмамі. Раней аб сумесных вучэннях войскаў СПА і баявых стрэльбах з сістэм залпавага агню Лопес дамовіўся з кіраўніком расейскага Міністэрства абароны Сяргеем Шайгу.

Венесуэла праводзіць манеўры на фоне якіх абвастрыліся стасункі з ЗША. Паводле афіцыйных звестак, у іх удзельнічаюць 80 тысяч вайскоўцаў і 20 тысяч грамадзянскіх асоб.

Венесуэльскія вайскоўцы выкарыстоўваюць баявую тэхніку расейскай і кітайскай вытворчасці. Дзесяцідзённыя вучэнні праходзяць на сушы, вадзе і ў паветры ў розных частках краіны.