Віцэ-прэзідэнт С’ера-Леонэ папрасіў прытулку ў амбасадзе ЗША
2- 15.03.2015, 15:56
- 4,689
Самуэль Сам-Сумана заявіў, што не адчувае сябе ў бяспецы.
Віцэ-прэзідэнт С’ера-Леонэ папрасіў Злучаныя Штаты аб надаванні прытулку пасля таго, як у суботу жаўнеры атачылі ягоны дом. Ён заявіў, што пакінуў рэзідэнцыю, але пакуль незразумела, ці знаходзіцца ён на тэрыторыі амбасады ў сталіцы краіны Фрытаўне, паведамляе «Голас Амерыкі».
Самуэль Сам-Сумана пайшоў на гэты крок праз тыдзень пасля таго, як яго выключылі з партыі прэзідэнта краіны Эрнэста Баі Карома «Усенародны Кангрэс».
«Сёння раніцай я не адчуваю сябе ў бяспецы на пасадзе віцэ-прэзідэнта», - заявіў праз тэлефон чыноўнік у гутарцы з агенцтвам Associated Press.
Ён дадаў, што гаварыў з паслом ЗША ў С’ера-Леонэ Джонам Гуверам і чакаў адказу.
Амерыканская амбасада адмовілася каментаваць сітуацыю.