Украіна рэкордна павялічыла імпарт газу з Вугоршчыны
1- 15.03.2015, 16:11
- 8,745
Украіна з 14 сакавіка павялічыла імпарт прыроднага газу з тэрыторыі Вугоршчыны ў 10 разоў да 7,2 млн кубаметраў у суткі.
Пра гэта паведаміў кіраўнік прэс-службы аператара газатранспартнай сістэмы кампаніі "Укртрансгаз" Максім Бяляўскі, пішуць "Украинские новости".
"З аператыўнай інфармацыі, паводле стану на шэсць гадзін 14 сакавіка зафіксаваны рэкордны аб'ём паступлення газу з тэрыторыі Вугоршчыны - 7200000 кубаметраў у суткі", - паведаміў ён.
Пачынаючы з 7 сакавіка і да моманту павелічэння паставак з тэрыторыі Вугоршчыны газ ва Украіну паступаў у рэжыме 0,72 млн кубаметраў у суткі.
Нагадаем, у лютым Украіна, паводле аператыўных звестак газатранспартнай сістэмы Вугоршчыны FGSZ Ltd, імпартавала амаль 124, 02 млн кубаметраў прыроднага газу праз тэрыторыю гэтай краіны.