Ісландцы пратэстуюць супраць адмовы ад сяброўства ў ЕЗ

Блізу сямі тысяч апазіцыйных актывістаў узялі ўдзел у найбуйнейшай пратэстнай акцыі ў Ісландыі з часоў фінансавага крызісу 2008 года.

Людзі выйшлі на дэманстрацыю ў сталіцы краіны Рэйк'явіку, выступаючы супраць пастановы ўрада адмовіцца ад заяўкі на ўступленне ў Еўразвяз, паведамляе BBC.

Кіраўнік найбуйнейшай апазіцыйнай партыі краіны Арні Обры Арнасон заявіў, што ўрад не мае права спыняць перамовы аб уступленні Ісландыі ў ЕЗ.

Апазіцыянер нагадаў, што мандат на падачу заяўкі быў уручаны кабінету міністраў ісландскім парламентам у 2009 годзе.