Навукоўцы навучыліся знаходзіць ямы на дарогах да іх з'яўлення

Нечаканае развязанне праблемы ям на дарогах прапанавалі навукоўцы з Універсітэта Натынгем Трэнт.

Яны стварылі тэхналогію, якая можа выяўляць дарожнае пашкоджанне яшчэ да ўтварэнне ямы: прылада зможа адсочваць наяўнасць пашкоджанняў на паверхні дарогі, праз якія пасля з'яўляюцца расколіны. Падрабязна пра новую тэхналогіі піша CityLab.

Як працуе сістэма распазнання ям

Аўтар даследавання д-р Сентхан Мадхаван і ягоныя калегі распрацавалі праграмнае забеспячэнне, якое можа апрацоўваць звесткі дарожных сканараў, створаных брытанскай кампаніяй Dynatest. У стварэнні тэхналогіі ўзялі ўдзел спецыялісты з брытанскага Універсітэта Брунэля і Нацыянальнага ўніверсітэта навукі і тэхналогіі, які размяшчаецца ў сталіцы Пакістана Ісламабадзе.

Сканары адсочваюць не самі ямы, а працэсы, што вядуць да расслаення дарогі і паступовага разломліванне яе. Са слоў навукоўцаў, менавіта расслаенне дарожнага пакрыцця і прыводзіць у канчатковым выніку да ўтварэння выбоін і расколін.

Прынцып працы прылад, створаных кампаніяй Dynatest, досыць просты. Яны ўяўляюць сабой сканары 2D і 3D, якія прымацоўваюцца да пярэдняй часткі машыны, напрыклад фургона, і па ходзе руху скануюць паверхню дарогі на наяўнасць расслаенняў. Затым спецыялісты атрымліваюць два віды звестак: малюнак у фармаце 2D перадае звесткі камеры высокай разрознасці, а 3D-сканар паказвае трохмерную карту паверхні. Спецыяльнае асвятленне дазваляе ўбачыць кантраст паміж пашкоджанай і нармальнай дарогай. Сканары могуць працаваць як пры дзённым асвятленні, так і ўначы. Такім чынам, сабраць звесткі не складана. Складаней правільна апрацаваць і атрымаць адэкватныя вынікі.

Тэставанне сістэмы паказала, што праграмнае забеспячэнне правільна прааналізавала 900 малюнкаў і вызначыла наяўнасць на іх паказчыка расслаення дарогі. Калі гэтая сістэма будзе працаваць, спецыялісты змогуць выяўляць пашкоджанні на дарогах да ўтварэння расколін, што значна спросціць рамонт і зробіць яго больш якасным.

Калі распрацоўка праграмнага забеспячэння будзе завершаная, яго выкладуць у адкрытым доступе, каб муніцыпальныя ўлады і дзяржаўныя арганізацыі маглі выкарыстоўваць яго для кантролю стану мясцовых дарог.

Іншыя спосабы выявіць ямы

Урады розных гарадоў ужо даўно задумваюцца над тым, як спрасціць працэс выяўлення непаладак на дарогах.

Іншыя інжынеры таксама прапаноўвалі свае спосабы развязвання гэтай праблемы, напрыклад, прыкладанне для iPhone або спецыяльныя «гарачыя лініі», якія дазваляюць аператыўна паведамляць пра расколіны і ямы на дарогах у дзяржаўныя органы

Яшчэ адзін варыянт развязання праблемы - аператыўныя брыгады, якія ў вясновы час працуюць звышурочна, каб у кароткія тэрміны адрамантаваць сапсутыя ўчасткі дарог.