Парашэнка ўнёс у Раду пастанову аб уводзе міратворцаў
3- 16.03.2015, 12:32
- 7,918
Прэзідэнт Украіны прапануе Радзе ўхваліць зварот да ААН і ЕЗ аб увядзенні ў краіну міратворчай місіі.
Прэзідэнт Украіны Пятро Парашэнка ўнёс у Вярхоўную Раду законапраект аб адабрэнні звароту ад імя Рады бяспекі ААН і Рады Еўразвязу аб разгортванні на тэрыторыі Украіны міжнароднай аперацыі ў падтрыманні міру і бяспекі. Адпаведны праект пад №2379 зарэгістраваны сёння ў парламенце, перадаюць «Украинские новости».
Тэкст законапраекта на сайце Вярхоўнай Рады на гэты момант адсутнічае.
Раней у ААН пацвердзілі атрыманне папярэдняй заяўкі ад Украіны датычнай міратворцаў. Афіцыйны запыт прэзідэнта будзе ажыццёўлены пасля пастановы Вярхоўнай Рады.