Лётчыца Саўчанка аднавіла галадоўку
1- 16.03.2015, 17:24
- 10,213
Украінская лётчыца Надзея Саўчанка, якая знаходзіцца ў маскоўскім СІЗА, аднавіла галадоўку.
Пра гэта ў панядзелак паведаміў кіраўнік камісіі бяспекі Грамадскай палаты РФ, старшыня маскоўскай Грамадскай назіральнай камісіі (ГНК) Антон Цвяткоў, паведамляе «Інтэрфакс-Украіна».
«Паводле маіх звестак, як я і меркаваў, Саўчанка сёння заявіла аб аднаўленні галадоўкі», - сказаў ён.
Раней Саўчанка напісала ў лісце, што гатовая распачаць галадоўку, калі ёй не дазволяць сустрэцца з украінскімі медыкамі.
У той жа час украінскім лекарам усё ж удалося трапіць у СІЗА да Саўчанкі 14 сакавіка. З іх слоў, з улікам стану яе здароўя, выхад з галадоўкі зойме да двух месяцаў.
Саўчанка была выкрадзеная і дастаўленая ў Расею за ўдзел у баявых дзеяннях супраць прарасейскіх тэрарыстаў на Данбасе. Расейскія ўлады гэта адмаўляюць, заяўляючы, што яна датычная да забойства журналістаў з РФ.
Надежда #Савченко пишет, что с сегодняшнего дня возобновляет голодовку. "И, в этот раз, до победного конца!!!" pic.twitter.com/xcBoLkHLoD
— Грани.Ру (@GraniTweet) marzec 16, 2015