Рада ЕЗ: Асад не можа быць партнёрам у барацьбе з «Ісламскай дзяржавай»

Жорсткая вайна рэжыму Башара Асада супраць уласнага народа спрыяла росквіту "Ісламскай дзяржавы" ў Сірыі.

Масавыя парушэнні правоў чалавека і сістэматычнае супрацьдзеянне дэмакратычным рэформам рэжыму Башара Асада ў значнай ступені спрыялі росквіту "Ісламскай дзяржавы" ў Сірыі, гаворыцца ў пастанове Рады замежных спраў ЕЗ, прынятай у панядзелак, піша "Інтэрфакс".

"У выніку яго дзеянняў і палітыкі рэжым Асада не можа быць партнёрам у барацьбе супраць "Ісламскай дзяржавы", - гаворыцца ў заключным дакумэнце Рады ЕЗ аб рэгіянальнай стратэгіі Еўразвязу ў Сірыі і Іраку і ў барацьбе з "Ісламскай дзяржавай".

У сувязі з пачаткам пятага года сірыйскага канфлікту ЕЗ зноў заяўляе, што "доўгатэрміновае развязанне пільна патрабуе кіраванага сірыйцамі ўсёабдымнага палітычнага працэсу, што вядзе да пераходнага перыяду на падставе Жэнэўскага камюніке ад 30 чэрвеня 2012 года і згодна з адпаведнымі рэзалюцыям Рады Бяспекі ААН з мэтай захавання адзінства, суверэнітэт і тэрытарыяльную цэласнасць краіны".

"Не можа быць трывалага міру ў Сірыі, пакуль не задаволеныя законныя прэтэнзіі і спадзяванні ўсіх складнікаў сірыйскага грамадства", - сказана ў пастанове, прынятай у Брусэлі.