The Wall Street Journal: Дамова аб іранскай ядзернай праграме абрыне кошты нафты

Іран можа павысіць экспарт нафты на адзін мільярд барэляў за дзень пасля скасавання санкцый.

Аснову для ўгоды плануецца атрымаць ужо да канца сакавіка.

Іран, ЗША і іх хаўруснікі фарсіруюць перамовы ў ядзернай праграме Ірана, вынік якіх можа рэзка абрынуць кошт нафты, піша The Wall Street Journal (пераклад - zn.ua).

Іранскі экспарт нафты апошнімі гадамі быў істотна абмежаваны заходнімі санкцыямі, мэта якіх прыцішыць «ядзерныя амбіцыі» Тэгерана. Міністр нафты Ірана Біжан Занганэ заявіў, што яго краіна можа падвоіць экспарт «чорнага золата» хутка.

«У выпадку калі міжнародныя санкцыі супраць Ірана будуць знятыя, мы можам павысіць экспарт на адзін мільён барэляў у дзень за некалькі месяцаў», - сказаў ён. Разам з тым, ён выказаў меркаванне, што дадатковыя пастаўкі не будуць «істотна ўплываць на кошты сырой нафты і сусветныя рынкі». Аднак трэйдары мяркуюць, што аднаўленне перамоваў з Іранам ужо можа прывесці да падзення кошту нафты.

Адзін з амерыканскіх высокапастаўленых чыноўнікаў паведаміў выданню, што да канца гэтага месяца плануецца ўжо дасягнуць асновы дагавора з Іранам. Як адзначае аналітык кансультацыйнай кампаніі Manaar Energy у Дубаі Робін Мілс, цягам года пасля скасавання санкцый Іран зможа падаць да 800 000 барэляў нафты ў дзень. «Пасля гэтага гэты ўзровень альбо захаваецца, альбо будзе зніжацца, пакуль не прыйдуць інвестыцыі», - сказаў ён.

Раней прэзідэнт ЗША Барак Абама праінфармаваў лідараў дзвюх палат амерыканскага Кангрэса аб прадаўжэнні яшчэ на год санкцый супраць Ірана. Паведамлялася, што сенатары-рэспубліканцы зрываюць пагадненне Абамы з Іранам. У Белым Доме настойваюць, што прэзідэнт не мае патрэбу ў адабрэнні Кангрэса, каб заключыць дамову з Іранам, і што Кангрэс не зможа змяніць умовы дамоўленасцяў.

Раней міністр замежных спраў Ірана Махамад Джавад Зарыф адхіліў прапанову прэзідэнта ЗША Барака Абамы аб замарожванні ядзернай праграмы на тэрмін ад 10 гадоў. Чыноўнік падкрэсліў, што Тэгеран не паддасца на завышаныя патрабаванні амерыканскага боку ў ядзерных перамовах. 2 сакавіка ў тэрміновым парадку, без папярэдніх дамоўленасцей з Белым домам, прэм'ер-міністр Ізраіля Біньямін Нетаньяху прыбыў у Вашынгтон, каб перашкодзіць магчымай угодзе паміж ЗША і Іранам. Нетаньяху сцвярджае, што ўгода паміж Вашынгтонам і Тэгеранам не зможа стрымаць апошняга ад вытворчасці ядзернай зброі.