Марцін Шульц: Супраць Пуціна трэба выкарыстоўваць усе сродкі

Старшыня Еўрапарламента Марцін Шульц заклікаў усіх еўрапейцаў да адзінства для процідзеяння планам Пуціна.

Пра гэта палітык заявіў нямецкаму штотыднёвіку Die Zeit у інтэрв'ю, апублікаванаму ў сераду, піша Укринформ.

"Мы павінны выкарыстоўваць усе сродкі, каб адбіць спробы Пуціна раскалоць ЕЗ і зрабіць на яго ўплыў знутры", - сказаў Марцін Шульц.

Кіраўнік ЕП прызнае, што "расейская прапаганда, здаецца, ужо дамаглася поспеху ў дачыненні да часткі еўрапейцаў", маючы на ўвазе адсутнасць поўнага аднагалоснасці ў пытанні антырасейскіх санкцый. Назваў Шульц і слабыя звёны, сярод іх, французскі "Нацыянальны фронт", крэдытуемы расейскімі банкамі, а таксама "некаторых прэм'ер-міністраў, якія больш-менш публічна тупалі вакол Пуціна", не стаўшы называць іх пайменна.

У той жа час, нямецкі палітык назваў "значным замежнапалітычным дасягненнем" супольную пазіцыю ЕЗ у пытанні санкцый супраць Масквы. Аднак, нягледзячы на тое, што Крэмль становіцца "ўсё больш непрадказальным", Марцін Шульц кажа пра патрэбу аднаўлення партнёрскіх стасункаў з Расеяй. "Еўразвяз, які мае мірных, стабільных суседзяў, значна мацнейшы, чым Еўразвяз, аточаны суседзямі, якія знаходзяцца ў перманентным крызісе", - сказаў старшыня Еўрапарламента.

Палітык таксама заклікаў калегаў разглядаць украінскі канфлікт як унутрыеўрапейскую справу, праблему, "якую ЗША развязаць не змогуць". Паводле ягоных слоў, канфлікт трэба развязваць у еўрапейскай перспектыве, не ператвараючы яго ў расейска-амэрыканскую тэму. Тады Пуціну давядзецца мець справу, "таргавацца" праз Украіну з Еўропай, а не з Амерыкай.