Даследаванне: чытачы газет аддаюць перавагу дрэнным навінам
1- 19.03.2015, 10:53
- 4,372
Навукоўцы сцвярджаюць, што большую перавагу пры чытанні газет і часопісаў людзі аддаюць дрэнным навінам.
Больш падрабязна з вынікамі даследавання можна азнаёміцца ў часопісе Information Economics and Policy, піша «Газета.Ru».
Гэта звязваецца з тым, што людзі перш за ўсё імкнуцца пазбягаць рызык, а не атрымліваць дадатковую выгаду. У якасці ілюстрацыі навукоўцы прыводзяць прыклад: страта тысячы даляраў выкліча ў чалавека большую эмацыйную рэакцыю, чым набыццё дадатковай тысячы. Таксама і з навінамі: людзі аддаюць перавагу дазнавацца пра небяспекі, напрыклад, эпідэміі грыпу ці банкруцтва якойсьці кампаніі, каб не захварэць ці не укладваць грошы ў сумніўныя акцыі.
Тым не менш, навукоўцы раяць СМІ не занадта актыўна карыстацца гэтым адкрыццям: занадта шмат дрэнных навін могуць падзейнічаць на чытачоў прыгнятальна.