Леанарда Ды Капрыа выканае 24 ролі ў адным фільме

Актор марыў сыграць злачынцу Білі Мілігана цягам 20 гадоў.

Актор Леанарда Ды Капрыа выканае ролю злачынца Білі Мілігана, які пакутаваў на псіхічны разлад асобы, паведамляе сайт Consequence of Sound.

Гісторыя чалавека, у якім жылі 24 самастойныя асобы, будзе расказаная ў фільме "Перапоўнены пакой" ("The Crowded Room") паводле кнігі Дэніэла Кіза "Множныя розумы Білі Мілігана".

Выданне адзначае, што Ды Капрыа марыў сыграць гэтую ролю цягам 20 гадоў. Здымкі фільма будзе весці кампанія Appian Way, якая належыць актору, піша segodnya.ua.