«Ісламская дзяржава» пагражае заснавальніку «Твітэра»

Ісламісты пагражаюць забіць аднаго з заснавальнікаў Twitter Джэка Дорсі.

Яны матывуюць такія дзеянні сталым блакаваннем іхных старонак, паведамляе BuzzFeed са спасылкай на запіс на сэрвісе Justpaste, у якім з'явіліся адпаведныя пагрозы, піша "Корреспондент".

"Ваша віртуальная вайна стане сапраўднай вайной з вамі", - гаворыцца ў ананімным пасланні, адрасаваным заснавальніку Twitter. Надпіс суправаджаецца фатаграфіяй Дорсі, па-над тварам якога намаляваны прыцэл стрэльбы.

"Мы казалі вам з самага пачатку, што гэта не ваша вайна, але вы не зразумелі гэтага і далей закрывалі нашы старонкі на Twitter, аднак мы заўсёды вярталіся", - пішуць прыхільнікі ІД.

Допіс змяшчае і шчырыя ківы на пагрозы смерці, накіраваныя ў дачыненні да прадпрымальніка і супрацоўнікаў Twitter.

Прадстаўнік кампаніі Джым Просэр паведамляе, што аддзел бяспекі сацсеткі супольна з праваахоўнымі органамі ўжо расследуюць верагоднасць гэтых пагроз.

Twitter, як і відэахостынг YouTube, зазвычай пільна рэагуе на відэа "Ісламскай дзяржавы" са стратамі закладнікаў. Кампаніі выдаляюць такія запісы і блакуюць старонкі, якія публікуюць забароненую інфармацыю.

Карыстальніцкае пагадненне Twitter мае на ўвазе, што кампанія мае права абмяжоўваць публікацыю допісаў, якія змяшчаюць публічныя пагрозы гвалту супраць іншых людзей. Таксама забаронена выкарыстоўваць сетку ў незаконных мэтах або для неправамернай дзейнасці.