Літоўцы прыдумалі «разумныя» туфлі, якія змяняюць расфарбоўку
6- 20.03.2015, 9:09
- 8,343
Літоўская кампанія Ishuu Technologies збірае сродкі на выпуск высокатэхналагічных туфляў для жанчын.
Іх адметнай асаблівасцю стане тое, што яны будуць вырабляцца з ужываннем тэхналогіі электронных чарнілаў. Гэта дазволіць сучасным модніцам мяняць прынт на абутку ў адпаведнасці са сваім настроем, піша onliner.by.
Паводле задумы стваральнікаў, уся неабходная электроніка будзе ўбудаваная ў падэшву Volvorii Timeless (менавіта так называюцца новыя туфлі). У тым ліку там будзе і пара невялікіх акумулятарных батарэй, рэсурсу якіх хопіць на 2-6 месяцаў.
Зрабіць зарадку туфляў можна будзе праз камплектную бесправодную прыладу. Самі прынты будуць змяняцца праз спецыяльны дадатак для смартфонаў: для гэтага Volvorii Timeless надзелены модулем бесправадной сувязі Bluetooth.
Зыходзячы з усіх тэхнічных навінак, узнікае слушнае пытанне: а колькі будуць важыць такія туфлі? Іх стваральнікі запэўніваюць: не больш, чым звычайныя туфлі на высокіх абцасах. Што тычыцца коштаў на Volvorii Timeless, то першым дзесяці пакупнікам туфлі дастануцца ўсяго за 150 даляраў ЗША. Затым кошт паднімецца да $199, потым - да $249. Для таго, каб пачаць вытворчасць, Ishuu Technologies плануе сабраць за месяц $50 000.
Tacciana-