ФІФА перанесла чэмпіянат свету 2022 года

Выканаўчы камітэт Міжнароднай федэрацыі футбольных асацыяцый зацвердзіў новыя тэрміны правядзення чэмпіянату свету ў футболе 2022 года ў Катары.

Як інфармуе прэс-служба ФІФА, замест традыцыйнага летняга перыяду мундыяль пройдзе ў лістападзе-снежні. Фінальны матч павінен адбыцца 18 снежня, у Нацыянальны дзень Катара, піша NEWSru.com.

Таксама была прынятая прынцыповая пастанова скараціць працягласць чэмпіянату свету да 28 дзён. Дата пачатку турніру вызначыцца пазней, а каляндар адборачных матчаў на перыяд з 2019 да 2022 будзе складзены найбліжэйшым часам на сустрэчы рабочай групы ФІФА.

Улетку тэмпература ў Катары паднімаецца да 50 градусаў, і ўмовы надвор'я могуць апынуцца занадта цяжкімі як для футбалістаў, так і для заўзятараў. Арганізатары чэмпіянату прапанавалі абсталяваць арэны сучаснымі сістэмамі кандыцыянавання, аднак цалкам развязаць кліматычную праблему такім чынам не ўдалося.