ААН прэзэнтавала плэйліст шчасця
3- 20.03.2015, 21:50
- 10,124
Арганізацыя аб'яднаных нацый да Міжнароднага дня шчасця, які адзначаецца сёння, апублікавала «самы шчаслівы плэйліст».
Паслухаць яго можна на спецыяльным сайце, піша «Інтэрфакс».
У плэйліст увайшлі толькі шэсць песень: «I Got You (I Feel Good)» Джэймса Браўна (1965), «Kiss» Прынца (1986), «Three Little Birds» Боба Марлі і гурта the Wailers (1977), «(Your Love Keeps Lifting Me) Higher and Higher» Джэкі Ўілсана (1967), «Independent Women» гурта Destiny's Child (2000) і «Made to Love» Джона Леджэнда (2013).
Ці будуць у спіс дададзеныя яшчэ нейкія песні, не паведамляецца.
Як паведамлялася раней, выбраць песні для плэйліста дапамагалі музыкі Эд Шыран, Дэвід Гета, Джон Леджэнд і Джэймс Блант, а таксама супрацоўнікі ААН. Генсакратар арганізацыі Пан Гі Мун прасіў уключыць у спіс песню Signed Sealed Delivered Стыві Ўандэра.
Прыхільнікаў музыкі таксама прасілі прапаноўваць ў твітэры свае варыянты песень, якія робяць іх шчаслівымі, з хэштэгам #HappySoundsLike. Пяць з гэтых песень паабяцалі ўключыць у «самы шчаслівы плэйліст». Колькі агулам кампазіцый павінна ўвайсці ў спіс, не паведамлялася.
Свята Міжнародны дзень шчасця было заснаванае Генэральнай Асамблеяй ААН у 2012 годзе, каб падтрымаць ідэю аб тым, што імкненне да шчасця з'яўляецца неад'емнай мэтай кожнага чалавека.