У гарадзенца канфіскавалі новы аўтамабіль за «п'яную» паркоўку ў двары

Жыхар Гародні трапіўся п'яным за стырном у двары дома на вуліцы Кляновай. Цяпер у яго канфіскуюць «Нісан-Тыіду».

У ноч на 21 сакавіка патруль міліцыі, які дзяжурыў ля вуліцы Кляновай, заўважыў у двары парк аўтамабіляў. З аўтамабілем адбывалася нешта нядобрае: ён то заводзіўся, то глухнуў. Супрацоўнікі міліцыі падышлі да аўтамабіля бліжэй і адчулі моцны пах алкаголю, які даносіўся ад кіроўцы. Яны і выклікалі патруль ДАІ, піша «Вячэрні Гродна».

Колькасць алкаголю ў крыві затрыманага перавысіла норму больш чым у пяць разоў. Кіроўца прызнаўся, што спачатку піў гарэлку і піва з сябрам. Потым сеў у сваё аўто і там працягнуў піць з іншым знаёмым.

Як высветлілася пазней, у 2013 годзе мужчыну, пазбаўленага пасведчання на 5 гадоў, двойчы затрымлівалі ў гэтым жа двары п'яным. Аўтамабіль даставілі на штрафстаянку, ён падлягае канфіскацыі.

Фота: gaigrodno.by