Калона войска ЗША прыбыла ў Польшчу для вучэнняў
- 24.03.2015, 9:41
- 7,373
Мэтай вучэнняў з'яўляецца дэманстрацыя падтрымкі NATO краінам Усходняй Еўропы ў сувязі з агрэсіяй Расеі на ўсходзе Украіны.
У Польшчу прыбыла калона амерыканскай бронетэхнікі Dragoon Ride, якая вяртаецца на базу ў Нямеччыну праз краіны Усходняй Еўропы, паведамляе Deutsche Welle.
Маршрут амерыканскіх вайскоўцаў, якія вандруюць на больш чым сарака адзінках вайсковай тэхнікі, праходзіць праз краіны Балтыі, Польшчу і Чэхію. Праезд калоны вядзецца ў межах вайсковых вучэнняў Atlantic Resolve. Іх мэтай з'яўляецца дэманстрацыя падтрымкі NATO краінам Усходняй Еўропы ў сувязі з агрэсіяй Расеі на ўсходзе Украіны.
Тым часам Польшча абвясціла аб пачатку вайсковых вучэнняў для рэзервістаў. Паводле паведамлення Мінабароны краіны, некалькім сотням воінаў запасу адпраўленыя позвы з заклікам неадкладна з'явіцца ў сваю частку. Сёлета на вучэнні будуць прызваны 12 000 рэзервістаў, - заявіў 23 сакавіка міністр абароны Польшчы Томаш Семоняк.
У той жа час генерал Багуслаў Пацек падкрэсліў, што манеўры не звязаныя з сітуацыяй на ўсходзе Украіны. Апошнім разам такія вучэнні праводзіліся ў Польшчы сем гадоў таму.