Пасялковыя саветы «дэпутатаў» ліквідуюць

Да канца года плануецца заканчэнне работ для змены адміністрацыйнага падпарадкавання населеных пунктаў.

У Беларусі амаль цалкам скасаваныя пасялковыя саветы «дэпутатаў», паведамілі агенцтву «Інтэрфакс-Захад» у прэс-службе Дзяржаўнага камітэта маёмасці.

«Паводле стану на 1 лютага 2015 у рэспубліцы засталося ўсяго шэсць пасялковых саветаў «дэпутатаў». Тры знаходзяцца ў Берасцейскай вобласці, адзін у Гомельскай і два ў Гарадзенскай вобласці. На аналагічную дату ў 2013 годзе іх налічвалася 46», - праінфармавалі ў Дзяржкаммаёмасці.

Там нагадалі, што работы для скасавання пасялковых саветаў «дэпутатаў» і ўтварэнні ў межах тэрыторый, якія належаць да пасялковых саветаў, сельсаветаў праводзяцца ў рамках выканання прэзідэнцкага ўказа ад 17 сакавіка 2014 N128 «Аб некаторых пытаннях, звязаных са змяненнем адміністрацыйна-тэрытарыяльнага ладу Рэспублікі Беларусь».

«Усе пераўтварэнні праходзяць на ўзгадненне з Дзяржкаммаёмасцю і знаходзяць адлюстраванне ў Адзіным рэестры адміністрацыйна-тэрытарыяльных і тэрытарыяльных адзінак Рэспублікі Беларусь», - адзначылі ў прэс-службе.