Падаткавікі арыштавалі абутак амаль на 200 мільёнаў
12- 25.03.2015, 10:16
- 18,209
Работнікі інспекцыі МПЗ Першамайскага раёна правялі пазапланавую тэматычную праверку аднаго з гандлёвых прадпрыемстваў у продажы абутку.
Вынікам праверкі стала канфіскацыя тавару на суму больш за 194 млн. рублёў, паведамляюць «Минск-Новости».
Паводле інфармацыі інспекцыі МПЗ Менску, устаноўлена, што прадаўцы не выкарыстоўвалі касавае абсталяванне, а разлік вялі наяўнымі. Цяпер прадпрымальнікам, паводле ч. 1 арт. 12.20 КаАП, пагражае штраф да двухсот базавых велічынь.
Інспектары высветлілі, што ў тавару не было належнай маркіроўкі кантрольнымі знакамі. За гэта, згодна з беларускім заканадаўствам, прадаўцам пагражае да дваццаці базавых велічынь з канфіскацыяй тавару незалежна ад таго, у чыёй уласнасці ён знаходзіцца (арт. 12.35 КаАП).
Усяго паводле вынікаў праверкі арыштаваныя 745 пар абутку. Матэрыялы праверкі накіраваныя ў эканамічны суд Менска.