Захараў публічна паказаў непрыстойны жэст (Відэа)
15- 25.03.2015, 10:55
- 25,672
24 сакавіка на трэцім матчы фінальнай серыі чэмпіянату Беларусі ў хакеі здарыўся скандал.
Менскае «Юнацтва» паводле ўсіх паказнікаў саступіла салігорскаму «Шахцёру». На апошняй хвіліне гульні, што скончылася з лікам 1: 5, галоўны трэнер сталічнай каманды Міхаіл Захараў паказаў арбітрам непрыстойны жэст, атрымаў матч-штраф і, імаверна, атрымае наўздагон дыскваліфікацыю, піша «Салiдарнасць».
На прэс-канферэнцыі гэтая тэма атрымала развіццё (цытуецца ў «Прессболе»):
- Што так абурыла вас на апошняй хвіліне, ці згодныя з матч-штрафам?
- Нават не хачу гаварыць на гэтую тэму.
- Хто будзе кіраваць камандай у сераду?
- Вось ты і будзеш.
- Прабачце, у мяне і заўтра праца ў нумар. А калі сур'ёзна?
- Гэта пытанне аб гульні? Аб заўтрашняй заўтра і будзем гаварыць.
- Замена Барадулі выкліканая незадаволенасцю ягонымі дзеяннямі або жаданнем страсянуць каманду?
- Ды нічога. Трэба проста кубак сёння аддаць і ў сераду не выходзіць. Прасілі па-чалавечы яшчэ месяц назад не ставіць на такія матчы беларускіх суддзяў. Што «Шахцёр» мацнейшы сёння - без пытанняў. Але навошта гэтую клаунаду ладзіць?..
Варта адзначыць, што менавіта «Юнацтва» карыстаецца ўстойлівай рэпутацыяй каманды, якой спрыяюць арбітры. Некаторыя заўзятары звязваюць гэта з тым, што Міхаіл Захараў знаходзіцца ў прыяцельскіх стасунках з Аляксандрам Лукашэнкам і дзякуючы гэтаму валодае каласальным адміністрацыйным рэсурсам.
Але нават у такіх умовах «Юнацтва» ужо даўно не дэманструе выбітных вынікаў. Апошні раз чэмпіянат Беларусі мінская каманда выйгравала ў 2011 годзе. Мяркуючы па ўсім, у гэтым сезоне першага месца Міхаілу Захараву таксама не пабачыць: у серыі да чатырох перамог "Шахцёр" вядзе з красамоўнай лікам 3: 0. А захоўваць годнасць, прайграючы, галоўны трэнер «Юнацтва» так і не навучыўся ...