У Беларусі прамінулай датай уведзены 1,5% падатак на паслугі сувязі
24- 25.03.2015, 12:47
- 25,487
Аператараў сувязі абавязалі адлічваць 1,5% даходаў у пазабюджэтны фонд.
Лукашэнка сваім указам №130 ад 19 сакавіка абклаў спажыўцоў паслуг сувязі 1,5% падаткам, за кошт якога будзе фармаваць пазабюджэтны фонд універсальнага абслугоўвання Міністэрства сувязі і інфарматызацыі, піша АФН.
«У мэтах далейшага развіцця ў Рэспубліцы Беларусь дзейнасці ў галіне тэлекамунікацый, інфарматызацыі, інфармацыйных тэхналогій і ўніверсальных паслуг электрасувязі», - гаворыцца ў прэамбуле да дакумента.
«Даходы дзяржаўнага пазабюджэтнага фонду ўніверсальнага абслугоўвання Міністэрства сувязі і інфарматызацыі фармуюцца за кошт адлічэнняў аператараў электрасувязі ў памеры 1,5 адсотка даходаў ад аказання паслуг электрасувязі», - гаворыцца ў Палажэнні аб парадку фармавання і выкарыстання згаданага фонду.
Згодна з указам, адлічэнні ў памеры 1,5% уключаюцца ў склад сабекошту паслуг электрасувязі і такім чынам з'яўляюцца дадатковым падаткам, які, як і ПДВ, аплачваецца спажыўцом.
«Адлічэнні ў дзяржаўны пазабюджэтны фонд універсальнага абслугоўвання Міністэрства сувязі і інфарматызацыі ўключаюцца аператарамі электрасувязі ў затраты па вытворчасці і рэалізацыі прадукцыі, тавараў (работ, паслуг), што ўлічваюцца пры падаткаабкладанні», - гаворыцца ў дакуменце.
І, як звычайна, адметнасцю прынятага ўказа з'яўляецца яго дзеянне заднім чыслом - 1,5% падатак на паслугі сувязі ўведзены з 1 студзеня 2015 года.
Ад выплаты падатку (адлічэнняў) да 2021 года вызваляюцца СТАА «Беларускія воблачныя тэхналогіі» і РУП «Нацыянальны цэнтр абмену трафікам».