Бамбавік РФ упершыню развіў звышгукавую хуткасць над Балтыкай

Расейскі бамбавік Ту-22м упершыню за час канфлікту развіў звышгукавую хуткасць над Балтыйскім морам.

Пра гэта паведамляе The Aviationist са спасылкай на ўласныя крыніцы, піша «Еўрапейская праўда».

Як адзначаецца, інцыдэнт адбыўся 24 сакавіка раніцай, калі шведскія бамбавікі падняліся ў паветра на перахоп двух расейскіх бамбавікоў Ту-22м, якія суправаджалі два самалёты ВПС РФ Су-27.

Як піша выданне, расейскія самалёты ляцелі, як звычайна, без пададзенага плана палёту і з выключанымі транспондэрамі.

Аднак, у адрозненне ад папярэдніх такіх інцыдэнтаў, Ту-22м упершыню ляцеў на звышгукавой хуткасці.

Як следства, бамбавіку Eurofighter Typhoon ВПС Італіі прыйшлося таксама развіць звышгукавую хуткасць, каб перахапіць і суправаджаць расейскія Ту-22м і Су-27.

Нагадаем, раней паведамлялася, што 24 сакавіка патрульныя самалёты падняліся на перахоп чатырох расейскіх вайсковых самалётаў над Балтыкай.